煎釀三寶



香港經典街頭小食 - 煎釀三寶,好容易整,仲可以選擇自己喜愛嘅食材,我覺得台灣珍珠苦瓜係最夾,鍾意食苦瓜嘅朋友,要試試喇!

材料 (二人份): 鯪魚肉 200克 鮮冬菇 4隻 台灣珍珠苦瓜 6件 茄子 4件 生粉 適量

醃料: 生抽 1湯匙 糖 1茶匙 胡椒粉 少量 麻油 少量

做法: 1. 將醃料加入鯪魚肉內攪勻,醃大約10分鐘,備用。


2. 洗淨冬菇、苦瓜及茄子,將苦瓜去籽切好及將茄子切好,備用。


3. 於冬菇、苦瓜及茄子表面灑上生粉。


4. 將鯪魚肉平均地鋪在冬菇、苦瓜及豆腐上。灑上生粉。


5. 燒熱油鑊,油要薄薄蓋滿平底鑊,先煮鯪魚肉的一邊,以中小火慢煎兩邊以至中間部分熟透,再以中大火將三寶煎至兩邊金黃色,盛起,即成。可以喼汁、餃子汁、甜醬、辣醬或豆瓣醬拌食。滋味香口嘅煎釀三寶完成了!




Niko Kitchen 小提示 - 除左以上三款,亦可以用豆腐、豆卜、青椒、尖椒、蕃茄、魚蛋等等。 - 如果有時間,當然自己剁魚肉,加蝦肉,剁成魚膠,會更美味! - 怕油膩的朋友,初時可用少少油,煮的時侯再加少量即可。 - 先煮比較難熟的苦瓜,冬菇可留待最後才煮,冬菇會不斷出水,出水後,鑊內的油及水要倒掉,再加入新的油。

#中式 #苦瓜 #冬菇 #煎釀三寶

©2018 by Niko Kitchen